Molekulyar-Genetik Diagnostika
Onkologiyada "Oltin Standart" hisoblangan tekshiruvlar. Aniq tashxis qo'yish va to'g'ri davolash strategiyasini tanlash uchun eng muhim bosqichlar.
Biopsiya — bu organizmdagi shubhali to'qimadan namuna olish jarayoni. Bu onkologiyada tashxisning "oltin standarti" hisoblanadi. Hech qanday UZI, MRT yoki KT tekshiruvi saraton tashxisini 100% tasdiqlay olmaydi; faqat mikroskop ostida hujayralarni morfologik tahlil qilish (gistologiya) uzil-kesil tashxis qo'yish imkonini beradi.
ASOSIY KO'RSATMALAR
- ✓Shubhali hosila: UZI, Endoskopiya yoki KT tekshiruvlari paytida aniqlangan har qanday o'sma yoki tugun.
- ✓Tuzilishi o'zgargan to'qimalar: Masalan, oshqozon yarasi chetidan yoki o'zgargan xoldan namuna olish.
- ✓Differensial tashxis: Jarayonning tabiatini (yallig'lanish, xavfsiz o'sma yoki saraton) ajratish zarurati.
TURLARI VA USULLARI
- ✓Trepan-biopsiya (Core needle): Maxsus igna orqali to'qima ustunini olish (sut bezi, prostata, jigar, yumshoq to'qimalar).
- ✓Endoskopik biopsiya: Gastroskopiya yoki kolonoskopiya paytida shilliq qavatdan chimdib olinadi.
- ✓Eksizion biopsiya: Operatsiya vaqtida butun o'smani yoki limfa tugunini olib tashlab, tekshirishga yuborish.
KLINIK AHAMIYATI
- ✓Faqat biopsiya natijasiga asoslanib kimyoterapiya yoki radikal operatsiya rejalashtiriladi.
- ✓Noto'g'ri tashxis noto'g'ri davolashga olib keladi. Shu sababli biopsiya — onkologiyadagi eng muhim qadam.
"Bizning klinikada yuqori aniqlikdagi uskunalar yordamida shubhali o'choqdan Biopsiya olinadi va jahon standartidagi laboratoriyaga IGX va NGS tahlillari uchun yuboriladi."